خیبر پختونخوا میں گورنر راج کا نفاذ — امن، آئین اور عوامی اختیار اہم ہیں

مکمل پاکستان پارٹی کے چیئرمین محمد عبدالمتین ہاشمی نے خیبر پختونخوا میں ایمرجنسی اور گورنر راج کے نفاذ پر اپنے مؤقف کا اظہار کرتے ہوئے کہا کہ صوبے میں بڑھتی ہوئی دہشت گردی اور امن و امان کی سنگین صورتحال پر قابو پانا وقت کی اہم ضرورت ہے۔ عوام کی جان و مال کا تحفظ ریاست کی بنیادی ذمہ داری ہے، اور اس مقصد کے لیے تمام اداروں کو مؤثر کردار ادا کرنا چاہیے۔

انہوں نے کہا کہ گورنر راج جیسے غیر معمولی آئینی اقدام کو سیاسی اختلافات کا حل نہیں بننا چاہیے۔ اس فیصلے کا مقصد حقیقی معنوں میں امن قائم کرنا، دہشت گردی کا خاتمہ اور عوام کو تحفظ فراہم کرنا ہونا چاہیے، نہ کہ جمہوری اداروں اور صوبائی خودمختاری کو کمزور کرنا۔

چیئرمین مکمل پاکستان پارٹی نے زور دیا کہ وفاقی اور صوبائی سطح پر سیاسی قیادت باہمی مشاورت، آئینی حدود اور قومی مفاد کو ترجیح دے۔ خیبر پختونخوا کے عوام امن، ترقی اور بہتر طرزِ حکمرانی کے مستحق ہیں۔ پائیدار امن طاقت کے استعمال کے ساتھ ساتھ سیاسی اتفاقِ رائے، مؤثر انتظامی اقدامات اور عوام کے اعتماد سے ہی ممکن ہے۔

مکمل پاکستان پارٹی کا مؤقف ہے کہ قومی سلامتی، آئین کی بالادستی، جمہوری اقدار اور عوامی فلاح کے درمیان توازن برقرار رکھنا ناگزیر ہے۔

محمد عبدالمتین ہاشمی

چیئرمین، مکمل پاکستان پارٹی