0092-313-5000-734
چینی زبان کے ممتاز ماہر اور نمل یونیورسٹی کے چائنیز ڈیپارٹمنٹ کے سابق سربراہ کی اہم علمی کامیابی
اسلام آباد، 20 جون 2025: پاکستان میں چینی زبان کی تعلیم، تحقیق اور فروغ میں نمایاں خدمات سرانجام دینے والے ممتاز ماہرِ لسانیات ڈاکٹر ظفر نوید نے چین کی معروف اور عالمی شہرت یافتہ جامعہ Beijing Language and Culture University (BLCU) سے پی ایچ ڈی کی ڈگری حاصل کر لی ہے۔
ڈاکٹر ظفر نوید نیشنل یونیورسٹی آف ماڈرن لینگویجز (نمل)، اسلام آباد میں چائنیز ڈیپارٹمنٹ کے سابق سربراہ رہ چکے ہیں۔ آپ کئی دہائیوں سے چینی زبان و ادب کی تدریس سے وابستہ ہیں اور پاکستان میں ہزاروں طلبہ کو چینی زبان سکھانے اور پاک-چین تعلیمی و ثقافتی روابط کو فروغ دینے میں اہم کردار ادا کر چکے ہیں۔
ان کی پی ایچ ڈی تحقیق کا موضوع چینی زبان کی تدریس، لسانی تعاملات، اور بین الثقافتی ابلاغ جیسے جدید و اہم موضوعات پر مبنی ہے، جو مستقبل میں دونوں ممالک کے درمیان علمی اور ثقافتی تعاون کو مزید وسعت دے گا۔
نمل یونیورسٹی کے اساتذہ، طلبہ اور علمی حلقوں نے ڈاکٹر ظفر نوید کو اس نمایاں کامیابی پر دلی مبارکباد دی ہے اور ان کی خدمات کو خراجِ تحسین پیش کیا ہے۔