0092-313-5000-734
خیبرپختونخوا کے ضلع کرک کے علاقے خرم محمدزئی کے چرپیرا میں پولیس اور مسلح افراد کے درمیان فائرنگ کے تبادلے میں ڈی ایس پی سی ٹی ڈی عمران الدین سمیت چار پولیس اہلکاروں کی شہادت پر چیئرمین مکمل پاکستان پارٹی محمد عبدالمتین ہاشمی نے گہرے دکھ اور افسوس کا اظہار کیا ہے۔
انہوں نے کہا کہ وطنِ عزیز کے امن و استحکام کے لیے اپنی جانوں کا نذرانہ پیش کرنے والے اہلکار پوری قوم کے لیے قابلِ احترام ہیں۔ ان کی قربانیاں ہمیشہ یاد رکھی جائیں گی۔ دہشت گردی کے خاتمے، عوام کے تحفظ اور ملک میں پائیدار امن کے قیام کے لیے قومی یکجہتی اور مشترکہ کوششیں ناگزیر ہیں۔
محمد عبدالمتین ہاشمی نے شہید اہلکاروں کے اہلِ خانہ سے دلی تعزیت اور ہمدردی کا اظہار کرتے ہوئے دعا کی کہ اللہ تعالیٰ شہداء کے درجات بلند فرمائے، لواحقین کو صبرِ جمیل عطا کرے اور وطنِ عزیز پاکستان کو دہشت گردی سے محفوظ رکھتے ہوئے امن و سلامتی کا گہوارہ بنائے۔ آمین۔
محمد عبدالمتین ہاشمی
چیئرمین مکمل پاکستان پارٹی
