0092-313-5000-734
مکمل پاکستان پارٹی لاہور چیپٹر کے صدر محمد رضوان جٹ نے پارٹی کے بانی چیئرمین محمد عبدالمتین ہاشمی کے قومی خطاب کو ایک بصیرت افروز رہنمائی قرار دیا ہے۔
انہوں نے کہا:
“1947 میں پاکستان کا قیام خود ایک انقلابی موڑ تھا، اب قوم کو بار بار جذباتی نعروں کے بجائے باعمل قیادت کی ضرورت ہے جو ترقی، استحکام اور ادارہ جاتی بہتری کو ممکن بنائے۔”
محمد رضوان جٹ نے کہا کہ موجودہ حالات میں سب سے بڑی ضرورت یہ ہے کہ ہم جذباتی استحصال سے نکل کر تعلیم، صحت، روزگار اور معیشت جیسے بنیادی شعبوں میں بہتری کے لیے سنجیدہ اقدامات کریں۔
انہوں نے اس بات پر زور دیا کہ:
“مکمل پاکستان پارٹی صرف باتوں کی سیاست نہیں کرتی، ہمارا مشن ہے عملی فلاح، باصلاحیت نوجوانوں کی رہنمائی، اور ایک مضبوط، خودمختار پاکستان کی تشکیل۔”
صدر ہال روڈ نے لاہور کے تاجر طبقے اور نوجوانوں سے اپیل کی کہ وہ ملک کی تعمیر و ترقی کے لیے مکمل پاکستان پارٹی کا ساتھ دیں۔ انہوں نے کہا کہ اب وقت آ چکا ہے کہ نعرے بازی کو خیر باد کہہ کر ہم سب مل کر ایک مستحکم اور ترقی یافتہ پاکستان کی بنیاد رکھیں۔