بے گناہ شہریوں کو نشانہ بنانا انسانیت، امن اور قومی اقدار پر حملہ ہے

کوئٹہ میں دہشت گردوں کی جانب سے عام شہریوں پر راکٹ حملوں کی ہم شدید الفاظ میں مذمت کرتے ہیں۔ بے گناہ شہریوں کو نشانہ بنانا انسانیت، امن اور قومی اقدار پر حملہ ہے۔ ایسے بزدلانہ اقدامات کسی بھی صورت قابلِ قبول نہیں۔

دہشت گرد عناصر پاکستان کے دشمنوں کے آلہ کار ہیں، جو ملک کے امن، استحکام اور عالمی سطح پر بڑھتی ہوئی عزت و وقار کو نقصان پہنچانا چاہتے ہیں۔ مگر دشمن کو یہ جان لینا چاہیے کہ پاکستانی قوم ایسے ناپاک عزائم کے سامنے کبھی نہیں جھکے گی۔

آج پوری قوم افواجِ پاکستان کے ساتھ شانہ بشانہ کھڑی ہے اور ہر اس فتنے کے خلاف متحد ہے جو وطن عزیز کے امن کو سبوتاژ کرنا چاہتا ہے۔ ہم مطالبہ کرتے ہیں کہ ملک دشمن دہشت گرد گروہوں اور ان کے سہولت کاروں کے خلاف بھرپور اور فیصلہ کن کارروائی کی جائے تاکہ پاکستان کو اس لعنت سے ہمیشہ کے لیے پاک کیا جا سکے۔

پاکستانی عوام متحد ہیں، باہمت ہیں، اور اپنی افواج کے ساتھ کھڑے ہیں۔ ان شاء اللہ پاکستان امن، استحکام اور ترقی کی راہ پر مزید آگے بڑھے گا۔

منجانب:

محمد عبدالمتین ہاشمی

چیئرمین مکمل پاکستان پارٹی