0092-313-5000-734
چیئرمین مکمل پاکستان پارٹی محمد عبدالمتین ہاشمی صاحب نے 5 فروری یوم یکجہتی کشمیر پر اپنے خصوصی پیغام میں کہا کہ مقبوضہ کشمیر آج دنیا کا سب سے بڑا فوجی محاصرہ زدہ خطہ ہے، جہاں بنیادی انسانی حقوق ایک خواب بن چکے ہیں۔ اظہارِ رائے پر پابندی، سیاسی قیادت کی قید، آبادی کا تناسب تبدیل کرنے کی کوششیں اور جبری قوانین یہ سب کچھ کھلے عام ہو رہا ہے، مگر انسانی حقوق کے عالمی علمبرداروں کی زبانیں گنگ ہیں۔ سوال یہ نہیں کہ کشمیر میں کیا ہو رہا ہے، سوال یہ ہے کہ دنیا کیوں نہیں دیکھ رہی؟
پاکستانی قوم یومِ یکجہتیٔ کشمیر پر کشمیری عوام سے اظہارِ یکجہتی کرتی ہے، مگر یہ یکجہتی محض جذباتی نعروں سے آگے بڑھنی چاہیے۔ ہمیں سفارتی محاذ پر مؤثر آواز، عالمی میڈیا میں مضبوط بیانیہ اور بین الاقوامی فورمز پر مسلسل دباؤ کی ضرورت ہے۔ مسئلہ کشمیر کوئی علاقائی تنازع نہیں، بلکہ اقوامِ متحدہ کی قراردادوں کے مطابق ایک تسلیم شدہ عالمی مسئلہ ہے، جس کا حل کشمیری عوام کے حقِ خودارادیت کے بغیر ممکن نہیں۔
